Мисија, цели и задачи на Единицата

        Согласно со владината безбедносна политика, Едницата за брзи интервенции “Лавови” ги има следниве шест основни задачи:

• Брза интервенција - да интервенира по инструкција против терористички закани и активности низ целата територија на Република Македонија. 
  

• Јавен ред и мир - да може да го одржува јавниот ред и мир за време на граѓански демонстрации и слични настани. 
  

• Цивилна одбрана - да делува како поддршка на спасувачките, медицинските и хуманитарните организации во периоди на кризи (поплави, земјотреси, бегалци, внатрешно раселени лица). 
  

• Безбедносни задачи - да ги чува клучните владини инсталации и значајни поединци, по потреба и доколку постои закана, како поддршка на постоечките единици за блиска заштита.
  

• Задачи на поддршка - да дава поддршка на останатите организации на Министерството за внатрешни работи, согласно со директивите.
  

• Инструкции и обука - да одржува група специјализирани инструктори кои ќе можат да ги обучуваат припадниците на Полицијата во тактички вештини.